ઘણા દિવસોથી ચર્ચામાં ચઢેલી અને સતત સમાચારમાં આવતી ફિલ્મ 'કુર્બાન' ટૂંક સમયમાં જ દર્શકોની સામે આવશે. ફિલ્મમાં સેફીના એટલેકે સેફ અલી ખાન અને કરીના કપૂરની જોડી છે. વાસ્તવિક જીવનમાં પણ બંને એકબીજાના પ્રેમનો એકરાર કરી ચૂકેલ આ બંને કલાકારોએ આ ફિલ્મમાં પણ પ્રેમી-પ્રેમિકા પછી પતિ-પત્નીનો રોલ કર્યો છે.
અમેરિકાની રાજધાની ન્યૂયોર્કમાં સાઈકોલોજીની પ્રોફેસર અવંતિકા(કરીના કપૂર) પોતાના બીમાર પિતાને જોવા ભારત આવે છે. અહી અહેસાન (સેફ અલી ખાન)પણ રહે છે, જે એ જ વિશ્વવિદ્યાલયમાં ભણાવે છે જ્યાં અવંતિકા અસ્થાઈ રૂપે ભણાવે છે. બંને વચ્ચે પ્રેમ થાય છે અને પુત્રીની ઈચ્છા જોઈને અવંતિકાના પિતા પણ અહેસાનને સ્વીકારી લે છે.
P.R
બંનેના લગ્ન થઈ જાય છે અને તેઓ અમેરિકા જતા રહે છે. અહી પહોંચીને અવંતિકા પોતાના પતિ માટે નોકરી પણ શોધી લે છે. અહીં તેમને પડોશીના રૂપમાં એક રૂઢીવાદી મુસ્લિમ પરિવાર મળે છે. અવંતિકા એ લોકોની વચ્ચે અસહજતા અનુભવે છે, અને અહેસાનની ગતિવિધિઓ પણ તેના મનમાં શંકા ઉભી કરે છે.
આવા સમયે તેની મુલાકાત સલમા નામની એક યુવતી સાથે થઈ જાય છે જે તેને અહેસાન વિશે ઘણુ બતાવે છે. ત્યારે અવંતિકાને ખબર પડે છે કે અહેસાન જેવો દેખાય છે તેનાથી વધુ પણ કંઈક છે. આમ તો આ એક લવસ્ટોરી છે, પરંતુ આની સાથે સાથે આજનો મુખ્ય મુદ્દો આતંકવાદ પણ છે અને તેની સાથે લડતા લોકો પણ.
ફિલ્મ કોઈપણ વિષય પર હોય તેમાં એવુ કંઈક જરૂર હોવુ જોઈએ જેને સરળતાથી વેચી શકાય. તેથી ફિલ્મના પ્રચારમાં આ મુદ્દા ઉપરાંત ઘણી વસ્તુઓ છે. સેફ-કરીનાની જોડી આમ પણ ચર્ચામાં છે, પરંતુ તેનાથી વધુ ચર્ચા થઈ રહી છે ફિલ્મમાં તેમના ચુંબન દ્રશ્યની.
P.R
આને અત્યાર સુધીનુ સૌથી લાંબુ ચુંબન દ્રશ્ય કહીને પ્રચાર કરવામાં આવી રહ્યો છે. ઘણા દિવસો સુધી આની ચર્ચા થઈ. પછી આવનારા સમાચાર આની આગળના છે. આ સમાચાર મુજબ બંને જણાયે ફિલ્મમાં બોલ્ડ સીન આપ્યા છે, હવે તેની ચર્ચા ચાલી રહી છે. ફિલ્મ નવેમ્બરમાં દર્શકોની સામે આવશે.
