કોરોનાના ત્રીજા લહેરની સૌથી વધુ અસર બોલિવૂડ પર જોવા મળી રહી છે. અત્યાર સુધીમાં 20 થી વધુ સ્ટાર્સ કોરોનાથી સંક્રમિત થયા છે, જ્યારે જર્સી અને RRR જેવી મોટા બજેટની ફિલ્મોની રિલીઝ પણ અનિશ્ચિત સમય માટે મોકૂફ રાખવામાં આવી છે. હવે જાણવા મળ્યુ છે કે અક્ષય કુમારની ફિલ્મ 'પૃથ્વીરાજ'ની રિલીઝ પણ મોકૂફ રાખવામાં આવી છે. 'પૃથ્વીરાજ' અગાઉ 21 જાન્યુઆરીએ સિનેમાઘરોમાં રિલીઝ થવાની હતી.
ફેન્સ લાંબા સમયથી અક્ષય કુમારની 'પૃથ્વીરાજ'ની રાહ જોઈ રહ્યા હતા, પરંતુ દેશમાં ઘણી જગ્યાએ થિયેટર 50% ઓક્યુપન્સી સાથે ચાલી રહ્યા છે, જ્યારે મહારાષ્ટ્રમાં 8 વાગ્યા પછી થિયેટરોમાં શો ન ચલાવવાના આદેશ આપવામાં આવ્યા છે. દિલ્હીમાં સિનેમાઘરો સંપૂર્ણપણે બંધ છે. કોરોના વાયરસના કેસ સતત વધી રહ્યા છે, આવી સ્થિતિમાં પહેલાથી જ અનુમાન લગાવવામાં આવી રહ્યું હતું કે 'પૃથ્વીરાજ'ની રિલીઝ મોકૂફ થઈ શકે છે.
પૃથ્વીરાજના નિર્માતાઓનું કહેવું છે કે આ એક મોટી ફિલ્મ છે, તેથી કોરોના પ્રભાવિત સમયમાં તેને રિલીઝ કરવાનો કોઈ અર્થ નથી. થોડા દિવસ પહેલા જ આ ફિલ્મને લઈને વિવાદ થયો હતો. ફિલ્મને લઈને વિવાદ થયો હતો કારણ કે રાજપૂત શબ્દ પૃથ્વીરાજ ચૌહાણના શાસન દરમિયાન નહીં પરંતુ ચદબરદાઈના સમયે વપરાયો હતો. રિપોર્ટ અનુસાર હિમ્મત સિંહે કહ્યું કે પૃથ્વીરાજ ચૌહાણના પિતા સોમેશ્વર ગુર્જર જાતિ સાથે જોડાયેલા છે અને તેથી પુત્ર પોતે ગુર્જર હોવો જોઈએ.
