ભારતીય ટીમ ઓસ્ટ્રેલિયાઈ પડકારનો સામનો કેવી રીતે કરશે ?
બુધવાર, 25 માર્ચ 2015 (10:29 IST)
ન્યુઝીલેંડને વર્લ્ડ કપ ફાઈનલમાં કંઈ ટીમ ટકરાશે. જેનો નિર્ણય ગુરૂવારે સિડનીમાં ભારત અને ઓસ્ટ્રેલિયાની વચ્ચે થનારી સેમીફાઈનલ હરીફાઈ દ્વારા નક્કી થશે.
ન્યુઝીલેંડે દક્ષિણ આફ્રિકાને ચાર વિકેટથી હરાવીને ફાઈનલમાં પ્રવેશ કર્યો છે. હવે સૌની નજર ભારત અને ઓસ્ટ્રેલિયાના વિરુદ્ધ થનારી હરીફાઈ પર ટકી છે.
ઓસ્ટ્રેલિયામાં ભારત છેલ્લા ચાર મહિનાથી છે પણ આ દરમિયાન ઓસ્ટ્રેલિયા વિરુદ્ધ ભારતીય ટીમ એક પણ મેચ નથી જીતી શકી. આવામાં ભારત પર આ વાતનો દબાવ જરૂર રહેશે. જો કે આ વિશ્વ કપમાં તેણે પોતાની બધી સાત મેચ જીતી છે. જેનાથી ટીમના આત્મવિશ્વાસમાં કોઈ કમી નથી.
બીજી બાજુ ઓસ્ટ્રેલિયાએ આ વિશ્વ કપમાં ફક્ત એક મેચ જ હારી છે અને તેનુ પ્રદર્શન પણ સારુ રહ્યુ છે.
પિચની ભૂમિકા મુખ્ય રહેશે - સિડની ક્રિકેટ ગ્રાઉંડ પર સ્પિનને મદદ મળે છે. આવામાં આ ભારત માટે ફાયદાકારી રહી શકે છે.
ઓસ્ટ્રેલિયાએ ભારતની સ્પિન બોલિંગ માટે રણનીતિ બનાવવી પડશે ઉપરાંત પોતાના બોલિંગ મિશ્રણ પર પણ વિચાર કરવો પડશે. અત્યાર સુધી તેમના ઝડપી બોલર મિચેલ જૉનસન અને મિચેલ સ્ટાર્કની જોડીએ વિપક્ષી ટીમોને ખૂબ પરેશાન કર્યા છે. પણ આ ટર્નિંગ વિકેટ પર તેઓ જ એવિયર ડોહર્થીને તક આપશે આ એક મોટો સવાલ રહેશે.
ઓસ્ટ્રેલિયાને હોમ એડવાંટેજ - સિડનીમાં ઓસ્ટ્રેલિયાને હોમ એંડવાંટેજ મળશે. તેમની ટીમને ખબર છે કે અહીની પરિસ્થિતિયોનો ફાયદો કેવી રીતે ઉઠાવી શકાય છે. દેખીતુ છે કે દર્શકોનુ પુર્ણ સમર્થન ઓસ્ટ્રેલિયા માટે રહેશે.
કપ્તાનો વચ્ચે હરીફાઈ - વિશ્વ કપ પહેલા સતત વિશ્વ કપમાં હારી રહેલી ટીમ ઈંડિયાના કપ્તાન મહેન્દ્ર સિંહ ધોની ફાઈનલમાં પહોંચીને આલોચકોને ચૂપ કરવા પસંદ કરશે.
બીજી બાજુ વિશ્વ કપ પહેલા ઓસ્ટ્રેલિયાઈ કપ્તાન માઈકલ ક્લાર્ક ફિટનેસની સમસ્યાઓનો સામનો કરી રહ્યા હતા. સાથે જ તેમને હટાવવાના પ્રયત્નો પણ થયા હતા. આવામાં તેમના પર એક કપ્તાન તરીકેનુ દબાણ રહેશે.
