એક સમયે રાજ્યન ઘણા શહેરોમાં લોકો રસીકરણ લગાવતાં ખચકાતા હતા. એટલું જ નહી એક સમયે 45 વર્ષથી ઉપરના લોકોને જ વેક્સીન આપવામાં આવતી હતી. આ બંને કારણોથી રસીકરણ ખૂબ ધીમું હતું. પરંતુ હવે સ્થિતિ એવી છે કે રાજ્યના દરેક શહેરમાં રસીકરણ કેંદ્રો પર રસીની અછત જોવા મળી રહી છે. જેથી અમદાવાદ, સુરત, વડોદરા, રાજકોટ, જૂનાગઢ અને ભરૂચ સહિતના દરેક શહેરોમાં કેંદ્રો પર લોકો રસી લગાવ્યા પરત ફરી રહ્યા છે.
અમદાવાદના ધૂમા સ્વાસ્થ્ય કેંદ્ર પર મોટી સંખ્યામાં લોકોની ભીડ ઉમટી પડી, પરંતુ વેક્સીન ન હોવાથી પ્રશાસને વેક્સીન ન હોવાના બોર્ડ લગાવી દીધો હતો. વડોદરામાં પણ એક સપ્તાહ પહેલાં 26 હજાર ડોઝની ફાળવણી કરી હતી. વડોદરાના ત્રણ દિવસથી 15 હજારથી ડોઝ આપવામાં આવી રહ્યો છે. શનિવારે કોવેક્સિન ફાળવણી કરવામાં આવ્યા હતા.
વડોદરાના પાદરાના રસીકરણ કેન્દ્ર પર હોબાળો જોવા મળ્યો હતો. વેક્સીનનું રજિસ્ટ્રેશન કરાવ્યા બાદ વેક્સીન ન મળતા લોકોએ હોબાળો મચાવ્યો હતો. ઘટના સ્થળે પાદરા પોલીસ પણ દોડી આવી હતી. સતત બે દિવસથી વેક્સીનેશન સેન્ટર પર મોટી ભીડ જામે છે. વહેલી સવારથી લોકો વેક્સીન મૂકાવવા માટે પહોંચે છે. સેન્ટર પર માત્ર ત્રણ લોકોનો જ સ્ટાફ હાજર હોય છે.
રાજકોટમાં દરરોજ દસ હજાર ડોઝની ફાળવણી કરવામાં આવી હતી. જોકે દસ હજારના મુકાબલામાં બે હજાર ડોઝ માટે ફાળવણી કરવામાં આવી છે. જેથી 60 ટકા રસીકરણ કેંદ્રોને બંધ કરવા મજબૂર બન્યા છે. જૂનાગઢના કેશોદ સિવિલ હોસ્પિટલને પણ સંદેશ મળતાં જ 300 લોકો વેક્સીન લેવા આવતા હતા. પરંતુ લોકો નારાજ હતા કારણ કે વહિવટી તંત્ર પાસે 40 ડોઝ હતા.
