સતત વરસાદથી પાણીમાં ડુબ્યુ વડોદરા, હવે સતાવી રહ્યો છે મગરમચ્છનો ડર

Heavy rain in Vadodara: ગુજરાતનુ વડોદરામાં સતત વરસાદને કારણે અડધાથી વધુ શહેર નદીમાં ફેરવાઈ ગયુ જન્માષ્ટમીના દિવસે 14 ઈંચ વરસાદ પડતાં અને આજવા ડેમમાંથી પાણી છોડવામાં આવતાં શહેરમાં સ્થિતિ વણસી હતી. જેના કારણે ટ્રેન અને રોડ ટ્રાફિક પર પણ નકારાત્મક અસર પડી છે. વડોદરાથી સ્ટેચ્યુ ઓફ યુનિટી તરફ જતો રસ્તો વરસાદમાં ખરાબ થઈ ગયો હતો. ડભોઈ નજીક આવેલા દેવ ડેમમાંથી મંગળવારે પાણી રોડ પર પહોંચી ગયું હતું. હાલમાં વરસાદ થોડો ઘણો પડી રહ્યો છે, પરંતુ હવામાન વિભાગે આગામી દિવસો માટે રેડ એલર્ટ જાહેર કર્યું છે. વડોદરા શહેરના આજવા ડેમમાંથી સતત પાણી છોડવાના કારણે વિશ્વામિત્રી નદી પણ ખતરાના નિશાનને વટાવી ગઈ છે. નદીના પાણી દરિયાકાંઠાના વિસ્તારોમાં પ્રવેશ્યા હતા. જેના કારણે લાખો લોકો ઘરોમાં કેદ થઈ ગયા હતા. લોકો પૂરના પાણીમાં ફસાયા છે. ફાયર બ્રિગેડની ટીમ લોકોને બચાવી રહી છે. 15 લોકોને બચાવવાના હૃદયદ્રાવક ફૂટેજ પણ સામે આવ્યા છે.

ગુજરાતમાં ભારે વરસાદ અને ડેમમાંથી પાણી છોડવાને કારણે પરિસ્થિતિ પડકારજનક છે. વડોદરાથી સ્ટેચ્યુ ઓફ યુનિટી તરફ જતો રસ્તો વરસાદમાં ખરાબ થઈ ગયો હતો. ડભોઈ નજીક આવેલા દેવ ડેમમાંથી મંગળવારે પાણી રોડ પર આવી ગયું હતું.  

3000 થી વધુ લોકોનો બચાવઃ સયાજીગંજ, ફતેગંજ, પરશુરામ ભટ્ટ, હરણી, મોટનાથ અને હરણી-સમા લિંક રોડ પર રહેતા લોકો સૌથી વધુ પ્રભાવિત થયા છે, વિશ્વામિત્રી નદીનું પાણી શહેરમાં પ્રવેશ્યું છે. નીચાણવાળા વિસ્તારોમાંથી 3000થી વધુ લોકોને સલામત સ્થળે ખસેડવામાં આવ્યા છે. શહેરના અનેક વિસ્તારોમાં તેમજ મુખ્ય માર્ગો પર ઘૂંટણિયે પાણી જમા થઈ ગયું છે, જેના કારણે લોકોને ઘરની અંદર રહેવાની ફરજ પડી રહી છે.

હવે મગરનો ડર: વિશ્વામિત્રી નદી મગરોનું ઘર કહેવાય છે. જ્યારે ભારે વરસાદ પડે છે, ત્યારે આ નદી ફૂલી જાય છે. આ સ્થિતિમાં મગરો પાણીની સાથે રહેણાંક વિસ્તારોમાં પણ પહોંચી જાય છે. વિશ્વામિત્રી નદીનું પાણી 5 કિલોમીટર દૂરની સોસાયટીઓમાં પહોંચી ગયું છે.

વડોદરાના કારેલીબાગ વિસ્તારમાં રહેનારા કેતનભાઈ કાળભોરના મુજબ સમા, સાવલીની સામેની સોસાયટી હજુ પાણીમાં ડૂબેલી છે.  પાણી ભરાવવાથી લોકો બીજા માળ પર રહેવા જવા માટે મજબૂર છે. પાણીને કારણે લોકો ઘરોમાં બંધ થઈ ગયા છે. જેને કારણે કરફ્યુ જેવી સ્થિતિ ઉભી થઈ છે.    

વડોદરા શહેરનો હરાણી વિસ્તાર 24 કલાકથી વધુ સમયથી નિર્જન રહ્યો છે. અહીંના મોટાભાગના ફ્લેટ પાણીમાં ડૂબી ગયા છે. આ વિસ્તારમાં વીજળી નથી અને પીવાના પાણીની પણ કટોકટી ઉભી થઈ છે. ડમરૂ સર્કલથી સમા હરાણી લિંક રોડ સુધીના રસ્તાઓ પૂરના પાણીના કારણે બંધ છે. હરણીના ઘણા ફ્લેટધારકો તેમના ઘરોમાં ફસાયેલા છે. સ્થાનિક લોકોનું માનવું છે કે હરણીમાં અનેક ગેરકાયદે બાંધકામો થયા છે, તેને તોડી પાડવા જોઈએ.

એનડીઆરએફની ટીમ કરી રહી છે મદદ : જો કે, વરસાદ ધીમો થવાથી  કેટલાક વિસ્તારોમાંથી પાણી ઓસર્યા છે. કારેલીબાગમાં રહેતા  હર્ષ વ્યાસના જણાવ્યા અનુસાર NDRFની ટીમ લોકોને જરૂરી સામાન પહોંચાડી રહી છે. હર્ષભાઈએ વેબદુનિયાને જણાવ્યું કે ઘણી સામાજિક સંસ્થાઓ લોકોની મદદ માટે આગળ આવી છે અને લોકોને ફૂડ પેકેટ અને દૂધ જેવી આવશ્યક ચીજવસ્તુઓ આપવામાં મદદ કરી રહી છે.

vadodara rain

સરદાર ભવનના રહેવાસી અક્ષિતાબેન દેસાઈના જણાવ્યા અનુસાર, અહીંના લોકોને વિનંતી કરવામાં આવી રહી છે કે તે દૂધના બે પેકેટથી વધુ ન લેવા, જેથી દૂધની જરૂર હોય તેવા તમામ લોકો સુધી દૂધ પહોંચી શકે. અફવાઓને કારણે બિનજરૂરી વસ્તુઓનો સંગ્રહ કરવો નહીં. શાકભાજીના ભાવ આસમાને છે. અક્ષિતાએ વેબદુનિયાને જણાવ્યું કે હાલમાં શાકભાજી ઉપલબ્ધ નથી અને જે ઉપલબ્ધ છે તેના ભાવ આસમાને છે. જે બટાટા સામાન્ય દિવસોમાં 30 થી 40 રૂપિયા પ્રતિ કિલો વેચાતા હતા તે હવે 70 થી 100 રૂપિયા પ્રતિ કિલોના ભાવે વેચાઈ રહ્યા છે.

વહીવટીતંત્રે વડોદરામાં પૂરના કારણે હેલ્પલાઇન નંબર પણ જાહેર કર્યા છે  

વન હેલ્પલાઇન નંબર: 9429558883, 9429558886

આરએફ વડોદરા : 9773403826

ફોરેસ્ટર: 9687324628

ફોરેસ્ટ રેસ્ક્યુ નંબર

જીગ્નેશ પરમાર: 9979500924

નીતિન પટેલ નંબર: 6354075565

શૈલેષ રાવલ નંબર 9898025601

જ્યા તમને પાણીમાં ફસાઈ જવાની કે કોઈ સાંપ કે મગર જેવા જાનવર સામે મદદ જોઈએ તો આ હેલ્પલાઈન નંબર પર મદદ માંગી શકો છો. 

અનેક ટ્રેનો થઈ કેન્સર - વડોદરા ડીવીસીઓએનમાં બ્રિજ નંબર 561 પર પાણી ભરાય જવાથી અનેક ટ્રેનો રદ્દ કરવામાં આવી છે. 

22949 બાંદ્રા ટર્મિનસ દિલ્હી સરાઈ રોહિલ્લા સુપર ફાસ્ટ એક્સપ્રેસ: 28 ઓગસ્ટ 

22917 બાંદ્રા હરિદ્વાર સુપરફાસ્ટ એક્સપ્રેસ: 28 ઓગસ્ટ 

12490 દાદર બિકાનેર સુપર ફાસ્ટ એક્સપ્રેસ: 28 ઓગસ્ટ 

12951 મુંબઈ સેન્ટ્રલ નવી દિલ્હી રાજધાની એક્સપ્રેસ: 28 ઓગસ્ટ 

22989 બાંદ્રા ટર્મિનસ મહુઆ સુપર ફાસ્ટ એક્સપ્રેસ: 28 ઓગસ્ટ 

09324 ઈન્દોર પુણે વિશેષ: 28 ઓગસ્ટ 

09323 પુણે ઈન્દોર વિશેષ: 29 ઓગસ્ટ

22950 દિલ્હી સરાઈ રોહિલા- બાંદ્રા ટર્મિનસ સુપર ફાસ્ટ એક્સપ્રેસ: 29 ઓગસ્ટ 

12926 અમૃતસર-મુંબઈ સેન્ટ્રલ વેસ્ટર્ન એક્સપ્રેસ: 30 ઓગસ્ટ 

22918 હરિદ્વાર- બાંદ્રા ટર્મિનસ સુપર ફાસ્ટ એક્સપ્રેસ: 29 ઓગસ્ટ 

12952 નવી દિલ્હી-મુંબઈ સેન્ટ્રલ રાજધાની એક્સપ્રેસ: 29 ઓગસ્ટ

22990 મહુવા-બાંદ્રા ટર્મિનસ સુપર ફાસ્ટ એક્સપ્રેસ: 29 ઓગસ્ટ

11091 ભુજ-પુણે એક્સપ્રેસ: 28 ઓગસ્ટ ભુજ

22973 ગાંધીધામ-પુરી સાપ્તાહિક સુપર ફાસ્ટ એક્સપ્રેસ: 28 ઓગસ્ટ

22974 પુરી - ગાંધીધામ સાપ્તાહિક સુપર ફાસ્ટ એક્સપ્રેસ 31 ઓગસ્ટ 

09076 કાઠગોદામ-મુંબઈ સેન્ટ્રલ સ્પેશિયલ: 29 ઓગસ્ટ

વડોદરા ઉપરાંત રાજ્યના મોટાભાગના વિસ્તારોમાં મેઘરાજાએ તબાહી મચાવી છે, સૌરાષ્ટ્ર-કચ્છના કેટલાક જિલ્લા અને દક્ષિણથી લઇને ઉત્તર ગુજરાત સુધી પાણી પાણી થઈ ગયા છે. લોકોના જાનમાલને ભારે નુકસાન પહોંચ્યુ છે, પશુધનથી લઇને ઘરો-દુકાનો અને ધંધા પર અસર પડી છે. ત્યારે આ બધાની વચ્ચે હવે દેશના વડાપ્રધાન નરેન્દ્ર મોદીએ ગુજરાતના મુખ્યમંત્રી ભૂપેન્દ્ર પટેલ સાથે ભારે વરસાદ બાદ સમગ્ર સ્થિતિ અંગે આજે બુધવારે ટેલિફોનિક વાતચીત કરી છે. મુખ્યમંત્રી ભુપેન્દ્ર પટેલે આજે એક્સ પર પૉસ્ટ કરીને આ વાતની માહિતી આપી છે.