શુક્રવારે યુવતી પોતાના પરિવાર સાથે નાસ્તો કરવા ગઇ હતી ત્યારે યુવતિના પિતા જમાઇને જોઇ જતાં ઉભા રાખી ઘરસંસારમાં અંગે સમજણ આપી હતી. પરંતુ તે દરમિયાન તે ઉશ્કેરાઇ ગયો હતો. અને તેણે કહ્યું હતું કે 'તું મને છેલ્લા એક વર્ષથી કોર્ટના ઘક્કા ખવડાવે છે, હવે હું કંટાળી ગયો છું. મારા લગ્નની બીજે વાત ચાલી રહી છે. હું તારી સાથે હવે કોઈ સંબંધ રાખવા માંગતો નથી, હું તને તલાક આપું છું.'
આમ પત્નીને રસ્તા વચ્ચે જ તલાક આપી દેતાં યુવતીની તબિયત લથડી ગઇ હતી અને તેને હોસ્પિટલમાં દાખલ કરવામાં આવી હતી. જે અંગે પોલીસે ગુનો નોંધી તપાસ હાથ ધરી છે. અત્રે ઉલ્લેખનીય છે કે ત્રિપલ તલાક પર પ્રતિબંધ મુકવાના ઉદ્દેશ્ય સાથે લાવવામાં આવેલું બિલ વર્ષ 2019માં લોકસભા પછી રાજ્યસભામાંથી બહુમતિ સાથે પસાર થઈ ગયું હતું અને રાષ્ટ્રપતિના હસ્તાક્ષર બાદ કાયદો બન્યો હતો.
