અમદાવાદઃ શહેરમાં છેલ્લા કેટલાક દિવસથી કોરોના વાયરસ (corona virus)ના કેસ નોંધાઇ રહ્યા છે. ગુજરાતમાં કોરોના વાયરસ દિવસેને દિવસે વધુ વિકરાળ સ્વરૃપ ધારણ કરી રહ્યો છે. છેલ્લા ૨૪ કલાકમાં કોરોનાના અત્યારસુધીના સર્વોચ્ચ 1379 કેસ નોંધાયા છે. આ સાથે જ ગુજરાતમાં કોરોનાના કુલ કેસનો આંકડો હવે 1,19,088 થઇ ગયો છે.
તો હવે અમદાવાદ મહાનગર પાલિકાએ માઇક્રો કન્ટેઈનમેન્ટ વિસ્તારને પણ અપડેટ કર્યાં છે. આજે નવા 11 કન્ટેઈનમેન્ટ વિસ્તારનો ઉમેરો કરવામાં આવ્યો છે. જ્યારે 29 વિસ્તારમાંથી માઇક્રો કન્ટેનમેન્ટ ઝોન દૂર કરવામાં આવ્યો છે. શહેરના દક્ષિણ ઝોનમાં 2, ઉત્તરમાં 1, ઉત્તર-પશ્ચિમમાં 6, પશ્ચિમમાં 1 અને પૂર્વમાં 1 વિસ્તારને માઇક્રો કન્ટેનમેન્ટ મુકવામાં આવ્યો છે.
