બુધવારની રાત્રે ઢેબર રોડ પર આવેલી ખાનગી મધુરમ હોસ્પિટલના દર્દીના સગાંએ ડોક્ટર પર હુમલો (Assault)કરતા પોલીસે ત્રણ લોકોની ધરપકડ કરી છે. બુધવારે રાત્રીના 10 વાગ્યે વેલસીંગભાઇ લાડુ નામના 40 વર્ષીય પુરૂષને સાપ કરડી ગયો હોવાથી મધુરમ હોસ્પિટલમાં ખસેડવામાં આવ્યા હતા જ્યાં તેની સારવાર ડો.મોહિત સગપરીયા દ્રારા કરવામાં આવી રહી હતી. સારવાર ચાલી રહી હતી તેવા સમયે દર્દીના સગાંને ડોક્ટર સાથે માથાકૂટ થઇ જેનો ખાર રાખીને દર્દીના સગાંએ ડોક્ટરને લાંફા ઝીંકા દીધા હતા અને આખી ઘટના સીસીટીવી કેમેરામાં કેદ થઇ હતી.
