અમરેલીમાં મોટી દુર્ઘટના, રહેણાંક વિસ્તારમાં ખાનગી કંપનીનું પ્લેન ક્રેશ
ગુજરાતના અમરેલીમાં પ્લેન ક્રેશ, એકનું મોત
અમરેલીમાં પ્લેન ક્રેશની મોટી ઘટના સામે આવી છે. અમરેલીના ગીરીયા રોડ પર મંગળવારે બપોરે એક ખાનગી કંપનીનું વિમાન અચાનક ક્રેશ થયું હતું. જ્યારે પ્લેન ક્રેશ થયું ત્યારે તેમાં કુલ બે લોકો સવાર હતા. આ અકસ્માતમાં એક વ્યક્તિનું મોત નીપજ્યું હતું જ્યારે અન્ય એક ગંભીર રીતે ઘાયલ થયો હતો. પ્રાઈવેટ કંપની દ્વારા સંચાલિત પાયલોટ ટ્રેનિંગ સેન્ટરનું પ્લેન ક્રેશ થતાં જોરદાર વિસ્ફોટ થયો હતો. આ સાથે જ પ્લેનમાં આગ લાગી હતી. ઘટનાની જાણ થતા અમરેલી ફાયર વિભાગની ટીમ ઘટના સ્થળે પહોંચી આગને કાબુમાં લીધી હતી.
ક્રેશ પછી આગ
અમરેલીમાં જ્યાં પ્લેન ક્રેશ થયું. ત્યાંના સ્થાનિક લોકોનું કહેવું છે કે પહેલા પ્લેન ક્રેશ થયું હતું. આ પછી બ્લાસ્ટ થયો અને તેમાં આગ ફાટી નીકળી. જેના કારણે લોકોમાં ભય ફેલાયો હતો. આગના કારણે લોકોએ ફાયર બ્રિગેડને બોલાવવી પડી હતી. આ અકસ્માતમાં એક વ્યક્તિનું મોત નીપજ્યું હતું જ્યારે બીજાને અત્યંત ગંભીર હાલતમાં હોસ્પિટલમાં લઈ જવામાં આવ્યો હતો. અત્યાર સુધીમાં એક મૃત્યુની સત્તાવાર પુષ્ટિ કરવામાં આવી છે.
