ટ્રેન નીચે કપાઈને પિતાના બે ટુકડા થયા હોય, ધડ તરફડિયાં મારતું હોય અને લાચાર પુત્ર પિતાના પગ પકડીને હૈયાફાટ રુદન કરતો હોય. એ વિચાર માત્ર જ કાળજું કંપાવી દે છે આવી જ કરુણ ઘટના, જેને જોઈને હૃદય ધ્રૂજી ઊઠે, એ ઘટના પાટણના સુજનીપુર નજીક ઘટી છે. રેલવે-ફાટક પાસે 45 વર્ષીય આધેડે કોઈ કારણસર માલગાડી નીચે પડતું મૂકતાં તેમના શરીરના બે ટુકડા થઈ ગયા.
પાટણ સુજનીપુર નજીક રેલવે-ફાટક પર 45 વર્ષીય આધેડે આત્મહત્યા કરી લીધી છે. સુજનીપુર નજીકથી પસાર થઇ રહેલી માલગાડી નીચે આધેડે પડતું મૂકતાં શરીરના બે ટુકડા થઇ ગયા હતા. આ કાળજું કંપાવનારી ઘટનામાં આધેડના શરીરના બે ટુકડા થઇ ગયા હોવા છતાંય અમુક સેકન્ડ તેઓ જીવંત રહ્યા હતા. તેઓ હાથથી ટ્રેનને પકડીને શ્વાસ લઇ રહ્યા હતા. તરફડતા આધેડને જોઇ પરિવારના સભ્યનું હૈયાફાટ આક્રંદથી ગમગીની છવાઇ ગઇ હતી. પોલીસે મૃતદેહને પીએમ અર્થે ખસેડી આગળની કાર્યવાહી હાથ ધરી હતી.
