: અમદાવાદમાં ગઇકાલે મોડી રાતથી વીજળીના કડાકા સાથે અનરાધાર વરસાદ પડી રહ્યો છે. અમદાવાદમાં અંદાજે 4 કલાકમાં જ 4થી 5 ઇંચ વરસાદ ખાબકતા શહેર બેટમાં ફેરવાઇ ગયું છે. ભારે વરસાદના લીધે ટ્રાન્સપોર્ટેશન સર્વિસીસ પ્રભાવિત થઇ છે. નીચાણવાળા વિસ્તારોમાં ઘરોમાં પાણી ઘૂસી ગયા છે. અમદાવાદમાં સતત વરસાદ અને આગાહીને પગલે કલેકટરે શહેર-જિલ્લાની તમામ સ્કૂલો અને કોલેજોમાં શૈક્ષણિક કાર્ય બંધ રાખવાનો આદેશ આપ્યો છે. સમગ્ર શહેરમાં ચોતરફ પાણી જ પાણી ફરી વળ્યા છે. વાસણા બેરજના 25 દરવાજા ખોલાયા છે. હજુ પણ વરસાદ ચાલુ જ છે.
અમદાવાદમાં છેલ્લા પાંચ કલાકમાં સાત ઇંચ વરસાદ નોંધાયો છે. શહેરના તમામ વિસ્તારોમાં ભારે વરસાદથી પાણી ભરાયા છે, ચાંદખેડા, સાબરમતી, રાણીપ, આંબાવાડી, પ્રહલાદનગર, સેટેલાઇટ, અસજી હાઇવે સહિતના તમામ વિસ્તારોમાં ધોધમાર વરસાદ ખાબક્યો હતો. સૌથી વધારે પુર્વ અને દક્ષિણ ઝોનમાં ત્રણ ઇંચ વરસાદ ખાબક્યો હતો, જ્યારે ઉત્તર અને મધ્ય ઝોનમાં બે ઇંચ વરસાદ નોંધાયો છે. ભારે વરરસાદના કારણે શહેરના મીઠખળી, અખબારનગર અંડરપાસ બંધ કરાયા છે.
અમદાવાદમાં ગત વર્ષે વરસાદની સંપૂર્ણ સીઝન દરમિયાન કુલ 23 ઈંચ વરસાદ પડયો હતો. જેની તુલનામાં વર્ષે બે તબક્કામાં કુલ 26 ઈંચ વરસાદ પડી ગયો છે. 9- હજુ દોઢ થી બે મહિના વરસાદની સિઝન બાકી છે. સામાન્ય રીતે, અમદાવાદમાં 40 થી 45 ઈંચ વરસાદની એવરેજ રહેતી હોય છે. હજુ પણ બીજા તબક્કામાં વરસાદની હેલી ચાલુ છે. બુધવારે વધુ બે ઈંચ વરસાદ પડયો હતો.
