બેઠકમાં નિર્ણય કરાયો કે અંતિમ વર્ષની પરીક્ષાઓ સપ્ટેમ્બરના અંત સુધી ભલે મોકૂફ રખાઈ હોય પરંતુ તે કાં તો ઑનલાઇન અથવા ઑફલાઇન કોઇ પણ રીતે લેવાવી તો જોઇએ જ. UGCના સત્તાવાર નિવેદન પ્રમાણે જે વિદ્યાર્થીઓ પરીક્ષા આપી શકશે નહીં તેમને પછીની નક્કી કરાયેલી તારીખોએ પરીક્ષા આપવા માટે પણ ખાસ વ્યવસ્થા કરાશે. ગૃહ મંત્રાલયે પણ માનવ સંસાધન મંત્રાલયને લખેલા પત્રમાં પરીક્ષાઓ લેવા માટે મંજૂરી આપી દીધી છે અને નિર્દેશ આપ્યા છે કે UGCની ગાઇડલાઇન્સ પ્રમાણે અંતિમ વર્ષની પરીક્ષાઓ 'ફરજિયાતપણે લેવાવી' જ જોઈએ.
