ayodhya Ram mandir News- ઉત્તર પ્રદેશના મુખ્ય પ્રધાન યોગી આદિત્યનાથે કહ્યું કે રામ મંદિરના અભિષેક સમારોહના દિવસે 22 જાન્યુઆરીએ અયોધ્યા એરપોર્ટ પર 100 ચાર્ટર્ડ ફ્લાઇટ્સ લેન્ડ થવાની અપેક્ષા છે. યોગીએ આ વાત અયોધ્યાથી અમદાવાદ સુધીની એરલાઇન ઈન્ડિગોની ફ્લાઈટ સેવાના ઉદ્ઘાટન માટે આયોજિત ઓનલાઈન સમારોહમાં કહી હતી.
કેન્દ્રીય મંત્રી જ્યોતિરાદિત્ય સિંધિયાનું નિવેદન
આ અંગે કેન્દ્રીય નાગરિક ઉડ્ડયન મંત્રી જ્યોતિરાદિત્ય સિંધિયાએ જણાવ્યું હતું કે, "ખૂબ જ ટૂંક સમયમાં અમે ઉત્તર પ્રદેશ માટે અલીગઢ, આઝમગઢ, શ્રાવસ્તી, ચિત્રકૂટ અને મુરાદાબાદમાં એક મહિનામાં 5 નવા એરપોર્ટનું ઉદ્ઘાટન કરીશું. જેવરમાં આંતરરાષ્ટ્રીય સ્તરનું એરપોર્ટ બનવા જઈ રહ્યું છે. "અમે આગામી દિવસોમાં મેરઠ, મયુરપુર અને સરસાવામાં પણ એરપોર્ટનું સંચાલન કરીશું."
