અમદાવાદના વસ્ત્રાલમાં ફરી એકવાર કેટલાક અસામાજિક તત્વો દ્વારા આતંક મચાવવામાં આવ્યો છે. તાજેતરમાં શાશ્વત સોસાયટીની સામે બાઇક પર આવેલા કેટલાક બદમાશોએ ભારે હંગામો મચાવ્યો હતો. લાકડીઓ અને તિક્ષ્ણ હથિયારોથી સજ્જ આ લોકોએ રસ્તા પર તોડફોડ કરી હતી, જેમાં બે લોકો ઘાયલ થયા હતા. ઘટના બાદ સ્થાનિક લોકોમાં ભયનો માહોલ સર્જાયો હતો.
નોંધાયેલી FIR મુજબ, આ ઘટના બે જૂથો વચ્ચેની અંગત અદાવતના કારણે બની હતી. આ સમગ્ર ઘટના નજીકના સીસીટીવી કેમેરામાં કેદ થઈ છે, જેમાં હિંસા અને તોડફોડ સ્પષ્ટપણે જોઈ શકાય છે.
