આ ઘટના સીસીટીવીમાં કેદ થઈ ગઈ છે.
મળતી માહિતી મુજબ, આ ઘટના નિકોલના ગુરુકુલ સર્કલ પાસે બની હતી. અહીં એક પરિવાર રાત્રિના સમયે ફરવા નીકળ્યો હતો. ઘટનાના સીસીટીવી ફૂટેજમાં જોઈ શકાય છે કે પરિવારના ત્રણ સભ્યો એકબીજાની વચ્ચે વાતો કરતા ફરવા નીકળ્યા હતા. તે જ સમયે અચાનક એક કાર ચાલકે બધાને કચડી નાખ્યા અને આગળ વધી ગયો.
કાર ચાલકે આગળ વધીને કારની સ્પીડ ધીમી કરી હતી, પરંતુ તે પછી તેણે કાર ભગાડી દીધી હતી. આ ઘટનામાં પરિવારના સભ્યો ગંભીર રીતે ઘાયલ થયા હતા. ઘાયલોને તાત્કાલિક હોસ્પિટલમાં ખસેડવામાં આવ્યા હતા, જ્યાં તેમની સારવાર ચાલી રહી છે. આ ઘટના શુક્રવારે મોડી રાત્રે બની હતી, જેના CCTV ફૂટેજ હવે સામે આવ્યા છે.
