અમદાવાદનાં જીવરાજ પાર્ક વિસ્તારમાં એક કોમ્પલેક્સમાં ભીષણ આગ લાગી છે. આ આગ થર્મોકોલના ગોડાઉનમાં લાગી હતી. જેની પાસે ટ્યૂશન ક્લાસીસ પણ ચાલતા હતાં. જેમા 15થી વધુ વિદ્યાર્થી ટ્યૂશન માટે આવ્યા હતા. તમામને સ્થાનિકોની મદદ દ્વારા બહાર કાઢવામાં આવ્યા હતા. પ્રાપ્ત માહિતી અનુસાર, હજુ પણ કેટલાક લોકો આ આગમાં ફસાયા છે.ધર્માકોલ નામનાં ગોડાઉનમાં આગના બનાવની જાણ થતાં ફાયર ફાયટરની ટીમો ઘટનાસ્થળે દોડી ગઈ હતી. પાણીનો મારો ચલાવીને આગને બુઝાવવાની કામગીરીમાં ફાયરમેન લાગી ગયા હતા તથા સ્થાનિકો પણ ફાયર ટીમને સહયોગ આપી રહ્યા છે. ઘટનાને પગલે 2 એમ્બ્યુલન્સ અને પોલીસની ટીમ પણ ઘટનાસ્થળે પહોંચી ગઈ છે.
