Paris Olympics Day 7 Live Update: પેરિસ ઓલિમ્પિક 2024ના 7મા દિવસે ભારતીય એથ્લેટ ઘણી ઈવેન્ટ્સમાં ભાગ લેતા જોવા મળશે, જેમાં અત્યાર સુધીમાં 2 મેડલ જીતનાર મનુ ભાકર શૂટિંગમાં મહિલાઓની 25 મીટર પિસ્તોલ ઈવેન્ટના ક્વોલિફિકેશન રાઉન્ડમાં ભાગ લેશે. તેના સિવાય ઈશા સિંહ પણ એક્શનમાં જોવા મળશે. જ્યારે બેડમિન્ટનમાં લક્ષ્ય સેનનો મુકાબલો મેન્સ સિંગલ્સની ક્વાર્ટર ફાઈનલ મેચમાં ચાઈનીઝ તાઈપેઈના ખેલાડી સાથે થશે. એથલેટિક્સમાં મહિલા 5000 મીટરની રેસમાં ભારતની અંકિતા અને પારૂલ ચૌધરી ભાગ લેશે. એથ્લેટિક્સમાં ભારત તરફથી અંકિતા અને પારુલ ચૌધરી મહિલાઓની 5000 મીટરની દોડમાં ભાગ લેશે. આ સિવાય ભારતીય હોકી ટીમ ક્વાર્ટર ફાઈનલ પહેલા તેની છેલ્લી ગ્રુપ મેચમાં ઓસ્ટ્રેલિયન ટીમ સામે ટકરાશે.
ભારતીય ટીમે તીરંદાજીમાં મિક્સ્ડ ડબલ્સમાં જગ્યા બનાવી છે
તીરંદાજીની મિશ્રિત યુગલ સ્પર્ધામાં અંકિતા ભગત અને ધીરજ બોમાદેવરાની ભારતીય જોડીએ શાનદાર પ્રદર્શન કર્યું હતું અને ઇન્ડોનેશિયાની ટીમને 5-1ના માર્જિનથી હરાવી હતી અને હવે ક્વાર્ટર ફાઇનલમાં પોતાનું સ્થાન નિશ્ચિત કરી લીધું છે.
મહિલાઓની 25 મીટર પિસ્તોલ ઇવેન્ટનો ક્વોલિફિકેશન રાઉન્ડ શરૂ થયો
પેરિસ ઓલિમ્પિક 2024ના શૂટિંગમાં મહિલાઓની 25 મીટર પિસ્તોલ ઈવેન્ટ શરૂ થઈ ગઈ છે જેમાં ભારતની મનુ ભાકર અને ઈશા સિંહ ભાગ લઈ રહ્યા છે.
