તેમણે કહ્યું કે પૂર્વ નાણામંત્રી અરુણ જેટલીએ જીએસટી કાયદામાં પેટ્રોલ અને ડીઝલનો સમાવેશ કરવાની જોગવાઈ કરી છે. હવે તમામ રાજ્યોએ ભેગા થઈને રેટ નક્કી કરવા ચર્ચા કરવાની છે. સીતારમણે કહ્યું, “GSTનો હેતુ પેટ્રોલ અને ડીઝલને GST હેઠળ લાવવાનો હતો. હવે રાજ્યોએ દર નક્કી કરવાના છે.
મારા પુરોગામી (અરુણ જેટલી)નો ઈરાદો ખૂબ જ સ્પષ્ટ હતો, અમે પેટ્રોલ અને ડીઝલને જીએસટીમાં લાવવા ઈચ્છીએ છીએ, જ્યારે 1 જુલાઈ, 2017ના રોજ જીએસટી લાગુ કરવામાં આવ્યો હતો, ત્યારે તેમાં એક ડઝનથી વધુ કેન્દ્રીય અને રાજ્ય ચાર્જ સામેલ હતા. જો કે, એવું નક્કી કરવામાં આવ્યું હતું કે પાંચ કોમોડિટીઝ - ક્રૂડ ઓઇલ, નેચરલ ગેસ, પેટ્રોલ, ડીઝલ અને એવિએશન ફ્યુઅલ (ATF) - GST કાયદા હેઠળ પાછળથી ટેક્સ લાગશે.
