PVR Inox રોમેન્ટિક ફિલ્મોના શોખીન અને રોમાન્સ પ્રેમીઓ માટે એક સારા સમાચાર લઈને આવ્યું છે. વાસ્તવમાં, પીવીઆર આઇનોક્સે 9 થી 15 ફેબ્રુઆરી સુધી અઠવાડિયાના વેલેન્ટાઇન સ્પેશિયલ ફિલ્મ ફેસ્ટિવલનું આયોજન કર્યું છે, જેમાં જબ વી મેટ, યે જવાની હૈ દીવાની, દિલવાલે દુલ્હનિયા લે જાયેંગે, વીર ઝરા, મોહબ્બતેં, સોનુ કે ટીટુ કી સ્વીટી, તુ. ઝૂઠી. મૈં મક્કર, પ્યાર કા પંચનામા 1 અને 2 અને દે દે પ્યાર દે જેવી ફિલ્મો ફરીથી રિલીઝ થશે. તમને જણાવી દઈએ કે વેલેન્ટાઈન સ્પેશિયલ ફિલ્મ ફેસ્ટિવલમાં ફરી રીલિઝ થનારી ફિલ્મોની ટિકિટની કિંમત માત્ર 112 રૂપિયા રાખવામાં આવી છે.
આ રોમેન્ટિક ફિલ્મો ભારતના 75 શહેરોના 194 થિયેટરોમાં સાત અલગ-અલગ ભાષાઓમાં બતાવવામાં આવશે. આ તમામ ફિલ્મો મલયાલમ, પંજાબી, તમિલ, તેલુગુ અને કન્નડ સહિતની ભાષાઓમાં રિલીઝ થશે. આ ફેસ્ટિવલ મુંબઈ, દિલ્હી, પૂણે, ગોવા, બેંગલુરુ, ચેન્નાઈ, અમદાવાદ, કોલકાતા, હૈદરાબાદ, કોચી, લખનૌ, જયપુર, ઈન્દોર સહિત દેશના અન્ય 62 શહેરોના થિયેટરોમાં પ્રેક્ષકોને ભેટરૂપ બનશે.
