મહારાષ્ટ્રનું પૂણે વરસાદના કહેરનો સામનો કરી રહ્યું છે (Pune Rain News) શહેરમાં બે દિવસથી ભારે વરસાદ ચાલુ હોવાનું જાણવા મળે છે. આ સમય દરમિયાન લોકો પાણી ભરાવા, ભૂસ્ખલન અને પૂર જેવી પરિસ્થિતિનો સામનો કરી રહ્યા છે.
જિલ્લા પ્રશાસને જણાવ્યું છે કે છેલ્લા 24 કલાકમાં લોનાવલામાં 299 મીમી, લવાસામાં 417 મીમી અને જુન્નરમાં 214 મીમી વરસાદ નોંધાયો છે. શિવાજીનગરમાં 101 મીમી, ચિંચવાડ શહેરમાં 156 મીમી વરસાદ નોંધાયો છે. અહીં ભારે વરસાદને કારણે ડેમની જળસપાટીમાં વધારો થતાં સિંચાઈ વિભાગ દ્વારા ખડકવાસલા ડેમમાંથી 35 હજાર ક્યુસેકથી વધુ પાણી છોડવામાં આવ્યું છે.
