Modi Corona Lockdown Speech Live Update: દેશભરમાં ચાલી રહેલ કોરોના કહેર વચ્ચે પ્રધાનમંત્રી નરેન્દ્ર મોદી દેશવ્યાપી લોકડાઉનના 21માં દિવસે એટલે કે આજે મંગળવારે રાષ્ટ્રને સંબોધિત કરી રહ્યા છે. પીએમ મોદીએ કહ્યુ કે દેશ સંપૂર્ણ મજબૂતીથી કોરોના વાયરસ સામે લડી રહ્યુ કહ્હે. જે રીતે દેશવ્યાસીઓએ ત્યાગ અને તપસ્યાનો પરિચય આપ્યો છે. તે કોરોના વિરુદ્ધની લડાઈમાં મહત્વનુ છે. આ પહેલા પ્રધાનમત્રીએ કોરોના વાયરસના ફેલાવાને રોકવા માટે 24 માર્ચે 21 દિવસીય દેશવ્યાપી લોકડાઉનની જાહેરાત કરી હતી, જેનો સમયગાળો મંગળવારે સમાપ્ત થાય છે.
PM Modi Corona Lockdown Speech LIVE:
દેશને સંબોધન કરતા પીએમ મોદીએ કહ્યું કે મારા વહાલા દેશવાસીઓને નમસ્તે, કોરોના વૈશ્વિક રોગચાળા સામે ભારતની લડત ખૂબ જ જોર સાથે આગળ વધી રહી છે. હજી સુધી, તમારા બધા દેશવાસીઓની તપસ્યા, તમારા બલિદાનને કારણે, ભારત અત્યાર સુધીમાં કોરોનાને કારણે થયેલા નુકસાનને મોટા પ્રમાણમાં ટાળી શક્યું છે. તમે પણ કષ્ટ સહન કરીને તમારા દેશનો બચાવ કર્યો છે. આપણે આપણા આ ભારતને સાચવ્યું છે. હું જાણું છું કે તમને કેટલી સમસ્યાઓ થઈ છે. કેટલાક લોકોને ખાવામાં તકલીફ પડે છે, કેટલાકને આવતા-જતા તકલીફ પડે છે, તો કેટલાક પરિવારથી દૂર હોય છે, પરંતુ તમે દેશની રક્ષા માટે શિસ્તબદ્ધ સૈનિકની જેમ તમારી ફરજ બજાવી રહ્યા છો. હું તમને બધાને આદરપૂર્વક સલામ કરું છું.
પીએમ મોદીએ કહ્યું કે, તમામ સૂચનોને ધ્યાનમાં રાખીને, નિર્ણય લેવામાં આવ્યો છે કે ભારતમાં હવે લોકડાઉન 3 મે સુધી વધારવી પડશે, એટલે કે 3 મે સુધી, આપણા બધાને, દરેક દેશવાસીઓને લોકડાઉનમાં રહેવું પડશે. આ સમય દરમિયાન, આપણે જે રીતે હાલ કરીએ છીએ તે જ રીતે શિસ્તનું પાલન કરવું પડશે. તેમણે કહ્યું કે મારા બધા દેશવાસીઓને મારી વિનંતી છે કે હવે કોરોના આપણે કોઈ પણ કિંમતે નવા વિસ્તારોમાં ફેલાવવા દેવાનો નથી. જો એક પણ દર્દી સ્થાનિક સ્તરે વધે છે, તો આ આપણા માટે ચિંતાનો વિષય હોવો જોઈએ.
