મહારાષ્ટ્રમાં શનિવારે સવારે અહમદનગર જિલ્લા હોસ્પિટલમાં ભીષણ આગ લાગી છે. શનિવારે સવારે 11.30 વાગ્યાની આસપાસ આગ લાગી હતી. આગ લાગી તે સમયે ICU વોર્ડમાં 20 લોકો હાજર હતા. આગ બુઝાવવા માટે ફાયર બ્રિગેડની ઘણી ગાડીઓ ઘટના સ્થળે પહોંચી ગઈ છે. બીજી તરફ, ICUમાં દાખલ દર્દીઓને અન્ય સ્થળોએ ખસેડવામાં આવી રહ્યા છે. ICUમાં ઘણા દર્દીઓ હતા જે વેન્ટિલેટર પર હતા. સૂત્રોના જણાવ્યા અનુસાર આ અકસ્માતમાં પાંચ દર્દીઓએ જીવ ગુમાવ્યા છે. જોકે વહીવટીતંત્રે તેની પુષ્ટિ કરી નથી.
