Bihar news - નાલંદામાં શ્રાદ્ધ વિધિ દરમિયાન ડાન્સર પર ડાન્સ ફ્લોર પર ફાયરિંગ કરી જેમાં ગોળી લાગવાથી એક યુવકનું મોત થયું હતું. મોતને પગલે વિસ્તારમાં ચકચાર મચી ગઈ હતી. પોલીસને રવિવારે સવારે આ ઘટનાની જાણ કરવામાં આવી હતી, ત્યારબાદ વહીવટીતંત્રની ટીમ ઘટનાસ્થળે પહોંચી હતી.
આ ઘટના મખદુમપુર ગામમાં બની હતી.
જણાવવામાં આવી રહ્યું છે કે મખદુમપુર ગામમાં શ્રાદ્ધના અવસર પર એક સાંસ્કૃતિક કાર્યક્રમનું આયોજન કરવામાં આવ્યું હતું, જ્યાં ડાન્સરના ડાન્સ પર લોકો ખુશીથી ફાયરિંગ કરી રહ્યા હતા, ત્યારે આશીર્વાદ નામના યુવકને ગોળી વાગી હતી. ગોળી વાગતાં તેનું ઘટનાસ્થળે જ મોત થયું હતું. ઘટના બાદ પોલીસે આ મામલે તપાસ શરૂ કરી છે. ત્યારે આ ઘટના બાદ પરિવારજનોમાં અરેરાટી વ્યાપી ગઈ છે.
