આપને જણાવી દઈએ કે મહારાષ્ટ્રના ખોપાલીની માધોબાગ હોસ્પિટલમાં આસારામની સારવાર ચાલી રહી છે. આસારામ દ્વારા દાખલ કરવામાં આવેલી પેરોલ વધારવાની અરજી પર હાઈકોર્ટમાં સુનાવણી થઈ હતી. રિપોર્ટના આધારે જજે પેરોલ વધુ 5 દિવસ લંબાવવાનો આદેશ આપ્યો હતો. પ્રથમ વખત તેને 13 ઓગસ્ટે સારવાર માટે વચગાળાની પેરોલ આપવામાં આવી હતી.
વચગાળાના પેરોલના આદેશમાં હાઈકોર્ટે પણ આસારામ પર ઘણા નિયંત્રણો લાદી દીધા છે. આસિસ્ટન્ટ અને ડોક્ટર સિવાય આસારામને કોઈને મળવા દેવાતા નથી. પેરોલ અરજી મંજૂર થયા બાદ આસારામને જોધપુર સેન્ટ્રલ જેલમાંથી ફ્લાઈટમાં મહારાષ્ટ્ર લઈ જવામાં આવ્યા હતા. માધવબાગ હોસ્પિટલના તબીબો આસારામની સારવાર કરી રહ્યા છે. કહેવાય છે કે સ્વયંભૂ બાબા આસારામ હૃદય સંબંધિત બિમારીથી પીડિત છે. આસારામ સાથે સશસ્ત્ર સૈનિકોની એક ટીમ પણ મોકલવામાં આવી છે. 2018 અને 2023માં આસારામને બે કેસમાં આજીવન કેદની સજા સંભળાવવામાં આવી હતી, વાસ્તવમાં આસારામ બળાત્કારના બે કેસમાં સજા ભોગવી રહ્યા છે, જેમાંથી પ્રથમ એક સગીર સાથે અને એક સ્ત્રી સાથે બળાત્કારનો હતો. .
