AAPની પ્રામાણિકતાનો લિટમસ ટેસ્ટ, આતિશીએ ચૂંટણી લડવા માટે દાન માંગ્યું

દિલ્હી વિધાનસભા ચૂંટણીની જાહેરાત બાદ તમામ પક્ષો વધુ સક્રિય થઈ ગયા છે. દિલ્હીના મુખ્યમંત્રી અને આમ આદમી પાર્ટી (AAP)ના કાલકાજીના ઉમેદવાર આતિશીએ રવિવારે વિધાનસભા ચૂંટણી લડવા માટે દાન માંગવાનું શરૂ કર્યું. આ માટે અભિયાન ચલાવવામાં આવશે. તેમણે કહ્યું કે તેમને આશા છે કે લોકો તેમની પાર્ટીના કામ અને ઈમાનદારીની રાજનીતિને સમર્થન આપશે.

સીએમ આતિશીએ દિલ્હીમાં પ્રેસ કોન્ફરન્સ કરી હતી. જેમાં તેમણે કહ્યું કે ડોનેશન માટે ઓનલાઈન લિંક જારી કરવામાં આવી છે. તેમને ચૂંટણી લડવા માટે 40 લાખ રૂપિયાની જરૂર છે. આતિશીએ કહ્યું કે AAP હંમેશા સામાન્ય માણસના નાના દાનની મદદથી ચૂંટણી લડી છે, જેના કારણે તેને કામ અને ઈમાનદારીની રાજનીતિ કરવામાં મદદ મળી છે.

देश को आतिशी जी जैसे पढ़े लिखे व ईमानदार नेताओं की जरूरत है और इसके लिए हम सभी को @AtishiAAP जी की Crowd funding के ज़रिए मदद करनी है। @Reena_Guptaa

इस लिंक पर जाकर आप UPI, Debit/Credit Card की मदद से ₹100, ₹1000 या ज़्यादा की भी मदद कर सकते हैं https://t.co/fz6giWF3z3… pic.twitter.com/tGkKE6hlD2

— AAP (@AamAadmiParty) January 12, 2025

AAPએ તેના સોશિયલ મીડિયા પ્લેટફોર્મ X પર લખ્યું - દેશને આતિશી જી જેવા શિક્ષિત અને પ્રામાણિક નેતાઓની જરૂર છે. આ માટે આપણે બધાએ તેમને ક્રાઉડ ફંડિંગ દ્વારા મદદ કરવી પડશે. વધુમાં લખ્યું હતું કે છેલ્લા 5 વર્ષમાં તમે બધા મારી સાથે ધારાસભ્ય, મંત્રી અને હવે દિલ્હીના મુખ્યમંત્રી તરીકે ઉભા છો.