અંતિમ તબક્કાનું મતદાન પૂર્ણ. ચૂંટણીપંચે મીડિયા સાથેની વાતચીતમાં દેશની 542 લોકસભા બેઠકો પર મતદાન પૂર્ણ થયાની જાહેરાત કરી.સાંજે છ વાગ્યાની સ્થિતિ પ્રમાણે, હિમાચલ પ્રદેશમાં 66.28%, બિહાર 49.92%, મધ્ય પ્રદેશમાં 69.33%, પંજાબમાં 58.86%, ઉત્તર પ્રદેશમાં 54.46%, પશ્ચિમ બંગાળમાં 73.23%, ઝારખંડમાં 70.50% તથા ચંડીગઢમાં 63.57% ટકા મતદાન નોંધાયું હતું.
એક્ઝિટ પોલ અગાઉ રાહુલ ગાંધીએ ટ્વિટ કરી કહ્યુ હતું કે, ઇલેક્ટોરલ બોન્ડ, ઇવીએમથી લઇને ચૂંટણીનું શેડ્યુલ સુધી નમો ટીવી, મોદીની આર્મી અને હવે કેદારનાથનો ડ્રામા, ચૂંટણી પંચ મોદી સામે નતમસ્તક. ચૂંટણી પંચ પોતે ડરેલું છે, હવે વધુ નહીં.
