ઘણી ચર્ચા અને લીક્સ પછી, Google આખરે તેના આગામી ફોલ્ડેબલ ફોન એટલે કે Pixel Fold વિશે સત્તાવાર રીતે માહિતી આપી છે. કંપનીએ આ માટે સોશિયલ મીડિયા ચેનલો પર એક નાનો વીડિયો જાહેર કર્યો છે. અહીં ઉપકરણને ઘણા ખૂણાઓથી જોઈ શકાય છે. વિડિયોમાં ફોનની ડિઝાઈન, હિંજ મિકેનિઝમ અને આંતરિક ડિસ્પ્લે પણ જોવા મળે છે. સેમસંગ અને ઓપ્પો જેવી કંપનીઓ આ નવા ફોન સાથે સ્પર્ધા કરે તેવી અપેક્ષા છે.
સોશિયલ મીડિયા પર કરવામાં આવેલી એક પોસ્ટમાં ગૂગલે એવો સંકેત પણ આપ્યો છે કે આ ફોલ્ડેબલ ફોન 10 મેના રોજ લોન્ચ થશે. આ Google ની વાર્ષિક I/O 2023 ડેવલપર કોન્ફરન્સનો પ્રથમ દિવસ હશે. Pixel Fold ઉપરાંત, Google Pixel 7a અને Pixel ટેબલેટની પણ જાહેરાત કરશે.
ગુગલ દ્વારા પોસ્ટ કરવામાં આવેલ વિડિયો ટીઝર બાકીના ટીઝર કરતા તદ્દન અલગ છે. કારણ કે, અહીં પિક્સેલ ફોલ્ડ સંપૂર્ણપણે જોઈ શકાય છે. અહીં જોઈ શકાય છે કે ફોનના પાછળના ભાગમાં LED ફ્લેશ સાથે ત્રણ કેમેરા આપવામાં આવ્યા છે
જ્યાં સુધી સૉફ્ટવેરની વાત છે, તેમાં Android 13 જેવી હોમસ્ક્રીન દેખાય છે. જો કે, તે જોવાનું રસપ્રદ રહેશે કે ગૂગલ તેના પ્રથમ ફોલ્ડેબલ ફોન પર કેવા પ્રકારનું સોફ્ટવેર ઓપ્ટિમાઇઝેશન કરે છે
