પાકિસ્તાનના આર્થિક બાબતોના મંત્રાલયે આજે એક ચોંકાવનારો દાવો કર્યો છે કે તેનું સત્તાવાર X (અગાઉનું ટ્વિટર) એકાઉન્ટ હેક થઈ ગયું છે. હેક થયા પછી, એકાઉન્ટમાંથી ભારત સાથે વધતા તણાવનો ઉલ્લેખ કરીને વધુ આંતરરાષ્ટ્રીય લોનની માંગણી કરતી એક પોસ્ટ બહાર આવી.
હેક થયેલા એકાઉન્ટમાંથી મોકલવામાં આવેલા સંદેશમાં લખ્યું હતું કે, "દુશ્મન દ્વારા ભારે નુકસાન થયા બાદ પાકિસ્તાન સરકાર આંતરરાષ્ટ્રીય ભાગીદારોને વધુ લોન માટે અપીલ કરે છે. વધતા યુદ્ધ અને ઘટતા સ્ટોક વચ્ચે, અમે આંતરરાષ્ટ્રીય ભાગીદારોને તણાવ ઓછો કરવામાં મદદ કરવા વિનંતી કરીએ છીએ. રાષ્ટ્રને મક્કમ રહેવા વિનંતી કરવામાં આવે છે."
પાકિસ્તાનના આર્થિક મંત્રાલયનું આ વિવાદાસ્પદ ટ્વિટ, જે પાછળથી હેક હોવાનું બહાર આવ્યું હતું, તે ઘણા પ્રશ્નો ઉભા કરે છે કારણ કે તે આવા સંવેદનશીલ સમયે સામે આવ્યું છે. શું આ ખરેખર હેકિંગનો મામલો છે કે પછી પાકિસ્તાનની આર્થિક દુર્દશા અને આંતરરાષ્ટ્રીય સહાયની વિનંતી વિશે અજાણતામાં જાહેર સંદેશ આપવામાં આવ્યો છે? આ રહસ્ય હજુ પણ બાકી છે