અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ પર ચૂંટણી રેલી દરમિયાન ફાયરિંગ, ચહેરા પર લોહી, હુમલાખોરનું મોત, જુઓ VIDEO
Gunfire at Donald Trump Tally: અમેરિકામાં રાષ્ટ્રપતિની ચૂંટણી પહેલા હિંસાની એક મોટી ઘટના સામે આવી છે. પેન્સિલવેનિયાના બટલરમાં ડોનાલ્ડ ટ્રમ્પની રેલીમાં ગોળીબાર થયો છે. આ ઘટના બાદ અમેરિકાના પૂર્વ રાષ્ટ્રપતિ ટ્રમ્પને અમેરિકન સિક્રેટ સર્વિસના એજન્ટોએ તરત જ સ્ટેજ પરથી બહાર લઈ ગયા હતા. જે વિડિયો સામે આવ્યો છે તેમાં જોઈ શકાય છે કે ગોળી ચલાવવામાં આવ્યા બાદ ડોનાલ્ડ ટ્રમ્પ પોડિયમ પર નીચે ઝૂકી રહ્યા છે. આ પછી સિક્રેટ સર્વિસ (તેમના સુરક્ષા રક્ષકો) તેમને ઘેરી લે છે.
તપાસ શરૂ
સોશિયલ મીડિયા પર વાયરલ થયેલા વીડિયોમાં ટ્રમ્પના કાનમાંથી લોહી નીકળતું જોઈ શકાય છે. એક ટોચના સરકારી અધિકારીએ જણાવ્યું કે પૂર્વ રાષ્ટ્રપતિ સુરક્ષિત છે. અધિકારીએ કહ્યું કે અમે સુરક્ષાના પગલાં લાગુ કર્યા છે, તપાસ ચાલી રહી છે. બટલર કાઉન્ટીના ડિસ્ટ્રિક્ટ એટર્ની રિચર્ડ ગોલ્ડિંગરે જણાવ્યું હતું કે શંકાસ્પદ બંદૂકધારીને ઠાર કરવામાં આવ્યો છે
