પાકિસ્તાન પોલીસ સ્ટેશનમાં જોરદાર વિસ્ફોટ, જપ્ત વિસ્ફોટકો બ્લાસ્ટ, 1નું મોત, 25 ઘાયલ

ઉત્તર-પશ્ચિમ પાકિસ્તાનના ખૈબર પખ્તુનખ્વા પ્રાંતમાં ગુરુવારે એક પોલીસ સ્ટેશનમાં જોરદાર વિસ્ફોટ થયો હતો, જેમાં એક બાળકનું મોત થયું હતું અને લગભગ 25 પોલીસકર્મીઓ ઘાયલ થયા હતા. આ ઘટના પેશાવરથી લગભગ 70 કિલોમીટર દૂર સ્વાબી પોલીસ સ્ટેશનમાં બની હતી.

ઇમારતનો ઉપરનો ભાગ ધરાશાયી થયો

સેન્ટ્રલ પોલીસ ઓફિસ દ્વારા પ્રાપ્ત થયેલા પ્રારંભિક અહેવાલો અનુસાર, પોલીસ સ્ટેશનના પહેલા માળે એક ડેપોની અંદર 'શોર્ટ સર્કિટના કારણે' વિસ્ફોટ થયો હતો. બચાવ અને ફાયર ટીમ તાત્કાલિક ઘટનાસ્થળે પહોંચી અને ઘાયલ પોલીસકર્મીઓને બાચા ખાન મેડિકલમાં લઈ ગયા જ્યાં ઈમરજન્સી લાદવામાં આવી છે.

પોલીસ અધિકારીઓએ જણાવ્યું હતું કે ઘણી ઈજાઓ થઈ છે અને 'ઈમારતનો ઉપરનો ભાગ પડી ગયો છે'. અધિકારીઓએ જણાવ્યું કે વિસ્ફોટમાં એક બાળકનું મોત થયું અને 25 અન્ય ઘાયલ થયા.