એક સમયે ગરીબો માટે કસ્તુરી ગણાતી ડુંગળી હવે આમ આદમીની થાળીમાંથી જ ઓછી થવા લાગે તેવી સ્થિતિ સર્જાઇ રહી છે. રાજકોટમાં હાલ ડુંગળીના છુટક ભાવ રૂપિયા 30 થી 40 પ્રતિ કિલોગ્રામ થઇ ગયો છે અને આવનારા દિવસોમાં હજુ પણ વધારો થવાની શક્યતા છે. તેની પાછળનું કારણ લાલ ડુંગળીના ખરીફ પાકમાં એક મહિનાના વિલંબને માનવામાં આવે છે. ચોમાસાના મહિનામાં ડુંગળીની માંગ પાછલા વર્ષના રવિ પાકથી આવે છે. પરંતુ આ વખતે આ પાકની ગુણવત્તા સારી રહી નથી. મહારાષ્ટ્ર રાજ્ય દેશમાં સૌથી વધુ ડુંગળીનું ઉત્પાદન કરતું રાજ્ય છે.
