લોકસભા ચૂંટણીનાં પાંચમાં તબક્કામાં 12 રાજ્યોની 121 બેઠકો પર 17 એપ્રિલે મતદાન થશે. પાંચમાં તબક્કાનાં મતદાનમાં નંદન નીલેકણિ, મેનકા ગાંધી, એચડી દેવગૌડા, વીરપ્પા મોઇલી, શ્રીકાંત જેના, સુપ્રિયા સૂલે, જ્યોતિરાદિત્ય સિંધિયા, મીસા ભારતી સહિતનાં દિગ્ગજ ઉમેદવારોનું ભાવી ઇવીએમમાં સીલ થશે.
આજે કર્ણાટકની 28, રાજસ્થાનની 20, મહારાષ્ટ્રની 19, ઉત્તર પ્રદેશની 11, ઓરિસ્સાની 11, મધ્યપ્રદેશની 10, બિહારની 7, ઝારખંડની 6, પશ્ચિમ બંગાળની 4, છત્તીસગઢની 3, જમ્મૂ કાશ્મીર અને મણિપુરની 1 -1 બેઠકો પર મતદાન થશે.
કર્ણાટકની 28 લોકસભા બેઠકો પર હાલમાં ભાજપ પાસે 18, કોંગ્રેસ પાસે 8, અને જેડીએસ પાસે 1 બેઠક છે. જ્યારે મહારાષ્ટ્રની 19 બેઠકો પર મતદાન થશે. જેમાં સુશીલકુમાર શિંદે, અશોક ચવ્હાણ, ગોપીનાથ મુંડે, સુપ્રિયા સૂલે, નીલેશ રાણે સહિત દિગ્ગજ ઉમેદવારોનું ભાવી કાલે ઇવીએમમાં બંધ થશે.
