Gandhi Jayanti Speech in Gujarati: ગાંધી જયંતિ 2024 પર આપો આ ભાષણ, બધા પાડશે તાળીઓ
મંગળવાર, 1 ઑક્ટોબર 2024 (16:23 IST)
મહાત્મા ગાંધીનો જન્મ 2 ઓક્ટોબર 1869માં થયો. જેને ગાંધી જયંતીના રૂપમાં ઉજવાય છે આ દિવસ શાળા અને કોલેજોમાં સાંસ્કૃતિક કાર્યક્રમ આયોજીત કરવામાં આવે છે. જ્યા ગાંધીજીના સ્વતંત્રતા સંગ્રામમાં યોગદાન પર ચર્ચા થાય છે.બધા બાળકો આ કાર્યક્રમમાં ભાગ લઈને પ્રશંસા મેળવે છે.
- મહાત્મા ગાંધીનો જન્મ 2 ઓક્ટોબર 1869ના રોજ ગુજરાતમાં થયો હતો.
- ગાંધી જયંતિ પર સાંસ્કૃતિક કાર્યક્રમોનું આયોજન કરવામાં આવે છે.
- ગાંધીજી હંમેશા અહિંસા અને સત્યના સિદ્ધાંતોનું સન્માન કરતા હતા.
Gandh Jayanti 2024 Quotes & Wishes: મહાત્મા ગાંધીનો જન્મ 2 ઓક્ટોબર 1869ના રોજ થયો હતો. આ દિવસ ગાંધી જયંતિ તરીકે ઉજવવામાં આવે છે. ભારતમાં ગાંધી જયંતિ નિમિત્તે શાળાઓ, કોલેજો અને અન્ય સંસ્થાઓમાં સાંસ્કૃતિક કાર્યક્રમોનું આયોજન કરવામાં આવે છે. આ કાર્યક્રમોમાં સ્વાતંત્ર્ય સંગ્રામમાં મહાત્મા ગાંધીના યોગદાનની ચર્ચા કરવામાં આવે છે. જો તમે પણ આ કાર્યક્રમોનો ભાગ બનવા માંગતા હોવ અને તાળીઓ મેળવી શકો છો, તો અમે દરેક વર્ગના બાળકો માટે મહાત્મા ગાંધી પરના ભાષણો લાવ્યા છીએ. તમે તે પ્રમાણે ભાષણ આપીને પ્રશંસા મેળવી શકો છો.
ધોરણ 1 થી 5 ના બાળકો માટે...
મહાત્મા ગાંધી પર ભાષણ - Gandhi Jayanti Bhashan
નમસ્કાર બધા મિત્રો અને શિક્ષકો
આજે હું તમને મહાત્મા ગાંધી વિશે બધું કહેવા માંગુ છું. તેમનું પૂરું નામ મોહનદાસ કરમચંદ ગાંધી હતું. અમે તેમને પ્રેમથી “બાપુ” પણ કહીએ છીએ. મહાત્મા ગાંધીનો જન્મ 2 ઓક્ટોબર 1869ના રોજ ગુજરાતના પોરબંદરમાં થયો હતો.
બાપુએ સત્ય અને અહિંસાના સિદ્ધાંતો અપનાવ્યા. તેમણે કહ્યું કે આપણે હંમેશા સત્યના માર્ગ પર ચાલવું જોઈએ. તેમનું માનવું હતું કે હિંસા વિના કોઈપણ સમસ્યાનો ઉકેલ આવી શકે છે.
મહાત્મા ગાંધીએ ભારતની સ્વતંત્રતા માટે સંઘર્ષ કર્યો. તેમણે લોકોને એકજૂટ કર્યા અને બ્રિટિશ રાજ વિરુદ્ધ અહિંસક આંદોલન ચલાવ્યુ. સત્યાગ્રહ તેમનુ એકમાત્ર રીત હતી. જેમા તેમણે સત્યની શક્તિનો ઉપયોગ કર્યો.
બાપૂએ હંમેશા ગરીબો અને અસહાય માટે અવાજ ઉઠાવ્યો. તેમણે કહ્યુ કે તમારે તે પરિવર્તન બનવુ જોઈએ જે તમે દુનિયામાં જોવા માંગો છો.
મહાત્મા ગાંધીની પ્રેરણા આજે પણ આપણા બધાને આગળ વધવા માટે પ્રેરિત કરે છે. આપણે તેમના સિદ્ધાંતોને અપનાવવા જોઈએ અને આપણા જીવનમાં સચ્ચાઈ અને પ્રેમનુ પાલન કરવુ જોઈએ.
ધન્યવાદ
ધોરણ 6 થી 12 ના બાળકો માટે...
મહાત્મા ગાંધી પર ભાષણ - Gandhi Jayanti Bhashan
નમસ્કાર બધા મિત્રો અને શિક્ષકો
હેલો! આજે હું તમારા બધાની સામે મહાત્મા ગાંધી વિશે બે શબ્દો કહેવા માંગુ છું. મહાત્મા ગાંધી, જેમનું અસલી નામ મોહનદાસ કરમચંદ ગાંધી હતું, તે ભારતીય સ્વતંત્રતા સંગ્રામના મહાન નેતા હતા. તેમનો જન્મ 2 ઓક્ટોબર 1869ના રોજ પોરબંદર, ગુજરાત ખાતે થયો હતો.
ગાંધીજીએ સત્ય અને અહિંસાના સિદ્ધાંતોને અપનાવ્યા અને આ જ તેમની ઓળખ બની. તેમણે પોતાના જીવનમાં સાબિત કર્યું કે સત્યની શક્તિ અને અહિંસાના માર્ગે કોઈપણ મોટા પડકારનો સામનો કરી શકાય છે. તેમનું "સત્યાગ્રહ" આંદોલન આપણને શીખવે છે કે આપણે હંમેશા યોગ્ય અને સાચા માર્ગ પર ચાલવું જોઈએ.
મહાત્મા ગાંધીએ ભારતને આઝાદી અપાવવામાં મહત્વની ભૂમિકા ભજવી હતી. તેમણે બ્રિટિશ શાસન સામે અહિંસક વિરોધનો માર્ગ પસંદ કર્યો અને લોકોને એક કર્યા. તેમનુ માનવુ હતુ કે આપણે આપણા અધિકારો માટે લડવું જોઈએ, પરંતુ હિંસાની મદદ ન લેવી જોઈએ. તેમણે "મીઠા નો સત્યાગ્રહ" અને "ભારત છોડો આંદોલન" જેવા ઘણા મોટા આંદોલનો શરૂ કર્યા, જે ભારતીય જનતાને જાગૃત કરવામાં મદદરૂપ થયા.
ગાંધીજીએ પણ સમાજમાં ફેલાયેલા ભેદભાવ અને જાતિવાદ સામે અવાજ ઉઠાવ્યો હતો. તેમને માટે "હરિજન" શબ્દનો ઉપયોગ કર્યો અને સમાજના છેવાડાના માણસના ઉત્થાન માટે કામ કર્યું. તેઓ માનતા હતા કે "તમે વિશ્વમાં જે પરિવર્તન જોવા માંગો છો તે પહેલા તમારાથી શરૂ થવુ જોઈએ."
મહાત્મા ગાંધીના વિચારો અને સિદ્ધાંતો આજે પણ આપણા માટે પ્રેરણા છે. આપણે તેમના દ્વારા બતાવેલ માર્ગ પર ચાલવું જોઈએ, જેથી આપણે એક સારા સમાજનું નિર્માણ કરી શકીએ. સત્ય, અહિંસા અને પ્રેમના માર્ગે ચાલવાની પ્રેરણા લેવી જોઈએ.
અંતે, હું કહેવા માંગુ છું કે મહાત્મા ગાંધીનું જીવન આપણને શીખવે છે કે સત્ય અને માનવતાની સેવા સૌથી મહત્વપૂર્ણ છે. તેમના વિચારોને આપણે જીવનમાં અપનાવવા જોઈએ.
