કાગડાપીઠ વિસ્તારમાં રહેતી છોકરીની માતાએ કાગડાપીઠ પોલીસ સ્ટેશનમાં ફરિયાદ આપી છે કે તેમની દીકરી 17 વર્ષની છે અને ધોરણ-12 પાસ કર્યા બાદ છેલ્લા એક વર્ષથી ઘરે જ રહે છે અને ઘરકામ કરે છે. 8મી મેના રોજ તેમની દીકરી અને તેની બહેનપણી સાંજના સમયે પાણીપુરી ખાવા માટે ચાલતા જતા હતા. તે દરમિયાન બાજુમાં આવેલી કોલોનીમાં રહેતા ધવલ પરમાર નામના છોકરાએ તેમની દીકરીને ઉભી રાખી અને તેનો હાથ પકડીને ગંદી ગાળો બોલવા લાગ્યો હતો અને તેની છાતી પર હાથ મૂકીને કહ્યું કે, 'જો તું મારા જોડે વાત કરીશ નહીં તો તારા પર બળાત્કાર કરી તને જાનથી મારી નાખીશ.'જેથી આ યુવતીની બહેનપણીએ તેના ભાઈના ફોન કરતા આરોપી ધવલ ત્યાંથી નાસી છૂટયો હતો.
