ક્રિકેટના મેદાન પર જ્યારે પણ હાઈ વોલ્ટેજ મેચ જોવા મળે છે ત્યારે ચાહકોનો ધબકાર વધી જાય છે. નિકટની મેચમાં હારેલી ટીમ વિજેતા ટીમના હાથે નિરાશા અનુભવે છે, જ્યારે વિજેતા ટીમના ચાહકો આનંદની ઉજવણી કરતા જોવા મળે છે. પરંતુ બુધવારે રાત્રે પાકિસ્તાન અને અફઘાનિસ્તાન વચ્ચેની રોમાંચક મેચ બાદ જે તસવીરો અને વીડિયો સામે આવ્યા છે તેણે ક્રિકેટને શરમમાં મૂકી દીધું છે. વાસ્તવમાં મેચ હાર્યા બાદ અફઘાનિસ્તાનના પ્રશંસકો સ્ટેડિયમમાં જ પાકિસ્તાની પ્રશંસકોને મારતા જોવા મળ્યા હતા, સાથે જ તેઓએ મેદાનની ખુરશીઓ પણ ઉખેડી નાખી હતી. આ વીડિયો વાયરલ થયા બાદ પાકિસ્તાનના પૂર્વ ફાસ્ટ બોલર શોએબ અખ્તરે પણ પોતાનો ગુસ્સો વ્યક્ત કર્યો હતો.
શોએબ અખ્તરે તેના ટ્વિટર એકાઉન્ટ પર આ ઘટનાનો વીડિયો પોસ્ટ કર્યો અને લખ્યું, 'આ અફઘાન ચાહકો કરી રહ્યા છે. આવું તેણે ભૂતકાળમાં ઘણી વખત કર્યું છે. આ એક રમત છે અને તેને યોગ્ય ભાવનાથી રમવી અને લેવી જોઈએ. શફીક સ્ટેનિકઝાઈ જો તમે લોકો રમતમાં આગળ વધવા માંગતા હોવ તો તમારા ચાહકો અને તમારા ખેલાડીઓ બંનેએ થોડીક બાબતો શીખવાની જરૂર છે.
