ગઈકાલે રજૂ થયેલા બજેટમાં સર્વિસ ટેકસમાં વધારો થતા લગ્ન અને તેની સાથે જોડાયેલા બીજા તમામ આયોજનો મોંઘા થઈ જશે. ગાડી, મંડપ, બેન્કવેટ હોલ, કેટરીંગ, સજાવટ, વીડીયો ગ્રાફી, ફોટોગ્રાફી વગેરેના ભાવ વધી જશે. જાન કોઈ બીજા શહેરમા જાય કે પછી સંબંધીઓ દૂરથી આવે તો હોટલમાં રહેવાનું, રેલ્વે અને હવાઈ ટીકીટ ભાડુ મોંઘુ થશે. સાથોસાથ બ્યુટી પાર્લરમાં જવાનું પણ મોંઘુ થઈ ગયુ છે.
છેલ્લા 3 વર્ષથી સર્વિસ ટેકસ સતત વધી રહ્યો છે. ભલે આ વધારો ૦.૫ ટકા કે ૧ ટકા કેમ ન હોય? પરંતુ લગ્ન સમારોહ કે અન્ય કોઈ ઉત્સવના કુલ ખર્ચનો હિસાબ કિતાબ કરીએ તો સર્વિસ ટેક્સનો માર કેટલો પડયો છે ? તે ખબર પડે. હાલ સામાન્ય લગ્નોમાં 7 થી 9 લાખનો ખર્ચ થાય છે. હવે આ ખર્ચ 11 થી 12 લાખ રૂપિયા થઈ જશે. લગ્ન સમારોહમાં ખર્ચની કોઈ સીમા હોતી નથી પરંતુ ઓવરઓલ બજેટની વાત કરીએ તો 10 થી 15 ટકાનો વધારોનો બોજો પડશે.
ફોટોગ્રાફી, વિડીયો અને ટ્રાન્સપોર્ટ - અત્યાર સુધી ફોટોગ્રાફીના 25 થી 30 હજાર રૂ. થતા હતા તે હવે વધી જશે. મહેમાન રેલ્વે કે વિમાનમા આવે તો ટીકીટ પણ મોંઘી થઈ જશે. જાન બીજા શહેરમાં જાય તો બસ અને કારનુ ટ્રાન્સપોર્ટેશન પણ મોંઘુ થશે