મનોજ દિક્ષિત નામના વકીલે કહ્યુ છે કે, મેં વિચાર્યુ કે તેને રેપની ફીલીંગને લઇને કેવી રીતે ખબર છે ? આખરે તેણે લગ્ન તો કર્યા નથી. સલમાને મહિલાઓના સન્માનને ચોંટ પહોંચાડી છે. તેની કોમેન્ટ મહિલા વિરોધી, બેઇજ્જત અને નીચલા સ્તરની માનસિકતા દર્શાવે છે. આ મામલામાં આઇપીસીની કલમ-294 અને 509 હેઠળ ફરિયાદ નોંધાવી છે. અદાલતે અરજી ધ્યાને સ લીધી છે અને કેસ નોંધવાનો આદેશ આપ્યો છે.
શિવસેનાની પ્રવક્તા મનીષા કાયંદેએ કહ્યુ, "મે સલમાન ખાનથી વધુ બેશરમ કોઈ સેલિબ્રિટી નથી જોઈ. શરૂઆતથી જ તેમનો સ્વભાવ વિનાશકારી રહ્યો છે. તેઓ વિલુપ્તપ્રાય જીવોને મરે છે. ફુટપાથ પર લોકોની હત્યા કરે છે અને હવે વિડંબના એ છે કે લોકો હજુ પણ તેમને નાયક માન છે."
ઉલ્લેખનીય છે કે સલમાને હાલમાં જ કહ્યુ હતુ કે, સુલતાનના શુટીંગ બાદ મને રેપ્ડ વુમન જેવી અનુભુતી થઇ હતી. તે પછી મહિલા કાર્યકરોએ વિરોધ નોંધાવ્યો હતો. રાષ્ટ્રીય મહિલા પંચે સલમાનને ૭ દિવસમાં માફી માંગવાનુ અલ્ટીમેટમ આપ્યુ હતુ
