વડોદરાના ડભોઇની એક વસાહતમાં 18 વર્ષની યુવતી સાથે 34 વર્ષના યુવાને સતત દસ દિવસ સુધી ગોંધી રાખી દુષ્કર્મ આચરતા યુવતીએ ડભોઇ પોલીસ સ્ટેશન ખાતે ફરિયાદ નોધાવી છે. ડભોઇ પોલીસ સ્ટેશન આજકાલ ગુનાખોરીનો અડ્ડો બની ગયો હોય તેમ ૨૦ દિવસમાં 8થી વધારે દુષ્કર્મ અને ખૂની ખેલ ખેલાયા છે ત્યારે ફરી એક વખત અઢાર વર્ષની યુવતી સાથે છ બાળકોના પિતા એ દુષ્કર્મ આચરતા સમગ્ર પંથકમાં હાહાકાર મચી ગયો છે.
સમગ્ર ઘટનાની જો વાત કરવામાં આવે તો ડભોઈની એક વસાહતમાં રહેતી યુવતીને છેલ્લા 2 વર્ષથી મહેશભાઈ પીદાભાઈ રાઠવા નામનો યુવાન હેરાન-પરેશાન કરતો હતો તેમજ સાથોસાથ તેના પરિવાર પર મન ફાવે ત્યારે જઈને ગાળો ભાંડતો અને મારી નાખવાની ધમકી આપતો હતો. તેની પાછળનું કારણ એ છે કે તે પરિવારની એક દિકરીને પામવા માંગતો હતો. પરંતુ પરિવાર એટલા માટે બોલી નથી શકતો કારણ કેઆ પરિવાર ખેતીકામ ની મજૂરી ઉપર નભતો હતો અને આરોપી મહેશ રાઠવા તેઓના પરિવારને મજુરી કામે લઈ જતો હતો.
આ વાત છે 1-12-2019 ની સાંજે આશરે સાત કલાકે મહેશ તડવી પરિવારમાં કોઈ હાજર ન હતું તે દરમિયાન રાત્રે જઈ પીડિતાને ધમકી આપી હતી કે જો તું મારી સાથે નહીં આવે તો જીવવા નહીં દઉ. જેથી પીડિતા ડરી ગયેલી હોય જેને લઇ તે કઈ બોલી નથી શકતી અને આરોપી મહેશ રાઠવા સાથે જતી રહી હતી. તે દરમિયાન સતત 18 દિવસ સુધી આરોપી મહેશ રાઠવા તેની સાથે મરજી વિરુદ્ધ કૃત્ય કરી દુષ્કર્મ આચર્યું હતું.
આ સમગ્ર બાબત તેના પરિવારને કહેતા પીડીતાએ સમગ્ર બાબત ડભોઇ પોલીસ સ્ટેશન ખાતે જણાવી હતી. જેને લઇ પોલીસ દ્વારા તુરંત જ એક્શન લઈ આરોપી મહેશ રાઠવાને દબોચી લીધો હતો અને જેલના સળિયા પાછળ ધકેલી દીધો હતો. હાલ ડભોઇ પોલીસે મહેશ રાઠોડ પર કલમ 376 હેઠળ કાર્યવાહી કરી શરૂ કરી છે. હાલ આરોપી અને પીડિતાના મેડિકલ તપાસ ની તજવીજ હાથ ધરવામાં આવી છે. આગામી દિવસોમાં આ બંને વચ્ચે સમાગમ થયા છે કે કેમ તે દિશામાં મેડિકલ રિપોર્ટ કોર્ટ સમક્ષ મુકાશે.
