ઑફ સ્પિનર ગ્રીમ સ્વાન અને ઝડપી બોલર સ્ટુઅર્ટ બ્રાડે દક્ષિણ આફ્રીકાના ટોચ અને મધ્યમક્રમને પૂરી રીતે હચમચાવીને ઈંગ્લેન્ડને મંગળવારે અહીં બીજી ટેસ્ટ ક્રિકેટમાં મેચમાં જીત નજીક પહોંચાડી દીધું.
પ્રથમ દાવમાં 232 રનથી પાછળ રહેનારી દક્ષિણ આફ્રીકાની ટીમે ચોથા દિવસે છ વિકેટ પર 76 રન બનાવ્યાં હતા અને તેને દાવની હારથી બચવા માટે હજુ પણ 156 રનની જરૂરિયાત છે. દક્ષિણ આફ્રીકાનો આધાર માર્ક બાઉચર (અણનમ 20) અને મોર્ને મોર્કલ (07) સિવાય હવામાન પર ટકેલો છે. કારણ કે, કિંગ્સમીડમાં સાંજે વરસાદ આવી ગયો જેનાથી ચોથા દિવસની રમત જલ્દી સમાપ્ત કરવાની જાહેરાત કરી દેવામાં આવી હતી.
આ અગાઉ બેલે 141 રનની મદદથી ઈંગ્લેન્ડને પોતાના દાવ નવ વિકેટ પર 575 રન બનાવીને સમાપ્ત કરવાની જાહેરાત કરી. તેણે આજે ચાર વિકેટની અવેજમાં 189 રન બનાવ્યાં. દક્ષિણ આફ્રીકાએ પોતાના પ્રથમ દાવમાં 343 રન બનાવ્યાં હતાં.
